-->

طريقة عمل الميني حواوشي زى الجاهز واحسن

المينى حواوشى : الحواوشي من احلا الاكلات الخفيفة اللي الاولاد بيحبوها جدا الطريقة دي هتعجب اولادك جدا كفاية انك تكوني عاملة ليهم اكلة هما بيحبوها بايدك وبنفس طعم برة واحلا بكتير كمان اعملى ليهم الميني حواوشي وفرحيهم .ميني حواوشي  فاطمه ابو حاتي


المقادير : 
للعجينة :
5 كوب دقيق مخبوزات منخول
ملعقة كبيرة سكر 
ملعقة كبيرة خميرة 
 نصف ملعقة صغيرة ملح
2 كوب ماء دافيء للعجن 
للحشو :
نصف كيلو لحمة مفرومة 
100 جرام لية مفرومة 
نصف كيلو بصل مفروم
1 فلفل حار مفروم 
1 فلفل رومي مفروم
1 طماطم مفرومة 
ملعقة كبيرة دقيق 
1 فلفل رومي مفروم 
ملعقة صغيرة سبع بهارات 
رشة كمون
رشة كزبرة مفرومة 
رشة شطة 
ملح
فلفل اسود
لخليط الدهن :
2 ملعقة كبيرة لبن بودرة 
رشة قهوة سريعة الذوبان 
رشة سكر 
ماء 

شاهد ايضا : طريقة عمل سلطة البابا غنوج بطريقة الشيف فاطمه ابو حاتى

الطريقة :
1- لعمل العجينة في بولة انزل الدقيق والملح والسكر والخميرة وواقلب المكونات مع بعض واعجن بالمية لغاية متلم معايا غجينة طرية وينة وافضل اعجنها مده متقلش عن 10دقايق لغاية مملمس العجينة يكون ناعم جدا واغطيها واسبها تخمر في مكان دافيء .
2- لعمل الحشوة انزل باللحمة وعلية البصل والفلفل الحار والرومي والطماطم والدقيق وملح وفلف وشطة وبهارات وكزبرة وكمون واعجن المكونات دي كلها مع بعض .
3- بعد مالعجينة اختمرت ابتدي ارش رشة دقيق خفيفة و افردها من النص لبرة ويكون سمكها اقل من نص سنتي شوية وابتدي قطاعة بالحجم اللي يناسبك وابتدي اقسم الحشوات ع نص الدواير وانزل عليها القطعة التانية الطبقة اللي هنغطي بيها واضغط ع الاطراف اقفلها كويس اوي واضغط عليها عشانيعطيني رغيف مش متختخ يكون مفرود مع بعضة ويكون سمكة كويس .
3- في بوزلة انزل اللبن والقهوة والسكروعجن بالمية عاوزاه خليط يكون مش خفيف اوي ولا سمك يكون سمكة متوسط عشان اقدر اني ادهن يمسك ع العجينة مش هسيب العجينة تخمر تاني خالص انا هدهنها بخليط الدهن وادخلها الفرن ع طول علي اعلا درجة حرارة فرن متسخن كويس جدا قبل مدخل العجين ع الشبكة واسبها لغاية مياخد لون من تحت ومن فوق كل مفرنك متسخن كويس كل مالمخبوزات مش هتاخد اي وقت وهتطلع هشة جدا وطرية .

جديد قسم : مينى حواوشى

إرسال تعليق