-->

مات كيك لعشاق الشيكولاتة فاطمه ابو حاتي

مات كيك : كيك بجد هيحبوة جدا عشاق الشيكولاتة مش عارفة اقلك طعمة عامل ازاي لازم تجربية بنفسك خطواتة ومكوناتة مفيش اسهل من كده .
مات كيك سفرتي

المقادير :
مقادير الكيك :
كوب وربع دقيق منخول
ربع كوب كاكاو خام منخول
نصف كوب زيت
نصف كوب لبن
3/4 كوب سكر
2بيضة
ملعقة صغيرة فانيليا
ملعقة كبيرة بيكينج بودر
ملعقة صغيرة نسكافية
ملعقة صغيرة ماء ساخن
ذرة ملح
مقادير الصوص :
كوب لبن
كوب الا ربع سكر
نصف كوب كاكاو خام
1/3 كوب زيت
مقادير الكروكان :
نصف كوب سكر
ربع ملعقة صغيرة بيكربوناتو
كوب مكسرات
مقادير الجناش :
كوب كريمة
ربع كيلو شيكولاتة خام مبشورة

شاهد ايضا : طريقة عمل كرات البيتزا والشيكولاتة للشيف فاطمه ابو حاتي

الطريقة :
1- في بولة انزل البيض والفانيليا واخفقهم افكهم انزل السكر مع الخفق لغاية ملاقي القوام بقا لونة ابيض واصبح كريمي اخلط النسكافية مع الماء السخن ادوبهم وانزلهم انزل الزيت سرسوب رفيع مع الخفق واللبن لغاية ميختلطو .
2- نزلي الدقيق والكاكاو والبيكينج بودر والملح  وقلبيهم مع بعض وانخلهم او لو منخولين كويس انزلهم علي طول واقلبهم بالمضرب ع اقل سرعة او بالمعلقة وانزل الجوانب المهم الدقيق يختلط ويختفي والمكونات تكون مختلطة كويس جدا .
3- انزل الخليط قالب يكون كبير والافضل بيريكس عشان هتقدمية فيه يكون جاهز من قبل متشتغلي مدهون ذبدة ومرشوش بالدقيق وانزل الخليط ويكونش اكتر من ربع القالب وادخلة فرن سخن اوي علي 180علي الرف الوسطاني لغاية متستوي واختبرها من النص باستيكس لو استوت اخرجها .
4- لعمل الكروكان في طاسة انزل السكر والمية والافضل تكون فاتحة واقلب بهز الطاسة من وقت للتاني لغاية ميبقا لون الكراميل لا غامق ولا فاتح ارفعة انزل المكسرات حسب زوقك والبيكربوناتو واقلبهم كويس جدا يختلطو وعلي صنية مدهونة حلو بالزيت وبمعلقة و اسباتيولا بلاش معلقة عادية وافرديها وسبيها تبرد وكسريها قطع صغيرة .
5-لعمل الصوص اخلطي مكونات الصوص في الكبة واعملها فتحات بالاستيكس في الكيك ونزلي كل الصوص وسبيها تتشربة وللجناش نزلي الكريمة تسخن بس متغليش وارفعيها من النار ونزللها الشيكولاتة وقلبيها لغاية متدوب خالص ونزليها علي الكيك وزيني بالكروكية ودخلية التلاجة يسقع شوية .

جديد قسم : مات كيك