القائمة الرئيسية

الصفحات

طريقة عمل الكحك زى العبد

الكحك زي العبد :  بكيلو دقيق واحد هتعملي كمية موفرة من الكحك ونفس طعم محلات العبد لا العبد ولا لابوار اعملي في البيت وابهريهم احلا ابهار .
الكحك زى العبد

المقادير :
كيلودقيق كحك وبسكوت 
500جرام سمنة 
50ملل لبن (ربع كوب )
150ملل ماء بارد (ثلث كوب )
60 جرام سكر بودرة (5ملعقة كبيرة 
10جرام خميرة (ملعقة كبيرة )
7 جرام بيكينج بودر (ملعقة ونصف صغيرة )
نصف ملعقة صغيرة فانيليا 
رشة بهارات كحك
رشة ملح
ملعقة كبيرة سمسم 
العجمية :
كوب عسل ابيض 
3 ملعقة كبيرة سمنة 
2 ملعقة كبيرة دقيق 
ملعقة كبيرة سمسم محمص 
كوب عين جمل مجروش 
الملبن :
نصف كيلو ملبن كحك
ملعقة كبيرة سمنة 
ملعقة كبيرة سمسم محمص 
رشة بهارات كحك اختياري 

شاهد ايضا : طريقة عمل كحك العيد زى الجاهز

الطريقة :
1- للعجمية هنزل في حلة علي النار السمنة والدقيق واقلبهم لغاية مالون الدقيق يبقا دهبي انزل العسل واقلبهم كويس اوي ع بعض او ميغلي ويتقل ع نار متوسطة ابتدي ارفعة انزل السمسم والعين الجمل واقلبهم وانزلة بولة واسيبة يبرد خالص .
2- للملبن انزل ع الملبن السمنة والسمسم وبهارات الكحك لو حباها مش حباها استني عنها واعجنيهم وكوريهم كور صغيرة ع الحشو ع طول والعجمية بنفس الطريقة اول متبرد .
3- السمنة اللي في المقدار اخدها من العلبة بدرجة حرالرة المطبخ انزلها حلة واسبها ع نار هادية جدا تسيح بس متقدمحش خالص واشلها من ع النار اسبها تبرد وادخلها التلاجة تتماسك وتسقع وانزل المية الساقعة ع اللبن ونزلي عليه السكر وقلبيهم مع بعض .
4- هاتي بولة نزلي الدقيق علية ملح والبيكينج بودر والبهارات والسمسم والفانيليا واقلبهم انزل السمنة وابتدي ابس الدقيق مع السمنة لازم الدقيق يتغلف بكل السمنة بلاش عجن تقليب وفرك بس وابتدي انزل بخليط اللبن واماء والسكر المهم التقليب الكويس لغاية مالعجينة تلم ويكون ملمسها ناعم جدا في ايدك اغطيها واسبها ترتاح 10 دقايق بس .
5- شكلي بقا واحشي الحشوات وابتدي رصي علي الصواني وبصمي ودخليها فرن سخن علي 180 ع الشبكة لغاية ملونة يبقا دهبي فاتح واطلعة من الفرن لازم الكحك يبرد خالص في الصيجان وانقلة طبق التقديم انزل علية السكر انخلة وابتدي اعبية في علب مغلقة نضفة وناشفة ومكان جاف مفيهوش رطوبة .
هل أعجبك الموضوع؟

تعليقات