القائمة الرئيسية

الصفحات

البريوش : من المعجنات الرائعة اعمليها لاولادك في شم النسيم او اعياد الميلاد بجد خرافة جدا عجينة هشة وخفيفة ومغذية اوي لاولادك لوجود كل القيم الغذائية داخلها .
البويوش فاطمه ابو حاتي

المقادير :
كيلو دقيق 
كوب لبن 
كوب زبادي 
نصف كوب سكر 
نصف كوب زيت 
نصف كوب لبن بودرة 
ملعقة كبيرة خميرة 
ملعقة كبيرة بيكينج بودر 
بياض بيضة 
بيضة 
ملعقة كبيرة خل 
رشة ملح
لدهن الوجة :
اصفر بيضة 
2 ملعقة كبيرة لبن 
رشة قهوة سريعة الذوبان 
بيض ملون بالاوان طبيعية 

شاهد ايضا : طريقة عمل السينابون الرهيب من الشيف فاطمه ابو حاتي

الطريقة :
1- علي الدقيق ننزل الملح والسكر والخميرة والبيكينج بودر واللبن البودر واقلب المكونات الجافة مع بعض وبعد ميختلطة انزل الزبادي   والبيضة وبياض البيضة والخل واعجن لغاية مكل المكونات تختلط مع بعضها كويس اوي وابتدي انزل باللبن حبة بحبة  لغاية متلم عجينة طرية واستمر في العجن لغاية متصبح عجينة طرية واغطيها في بولة واسبها في مكان دافي تخمر .
2- بعد مالعجينة اختمرت هبتدي اقسمها كور قد البيضة البلدي واغطها واسبها 5دقايق ترتاح وابتدي اشكل اخد قطعة ابرمها بايدي تكون بحجم متوسط والفها من النحيتين حلزوني عكس بعض وابتدي ارص ابرم اتنين واعملهم ضفيرة واضغط علي الاطراف عشان لما تخمر متفكش مني واعمل ضفيرة بنفس الشكل والفها رول واضع في المنتصف بيضة ملونة .
3- بعد ماشكل الاشكال المفضلة اسبها في الصاج لغاية متخمر تاني وبعد متخمر ابتدي اخلط خليط الدهن مع بعض وادهن الوش براحة خالص عشان مفقدش الخمر وادخلهم فرن سخن اوي علي اعلا درجة ويكون الرف الوسطاني قريب من الارضية لغاية متستوي وتاخد لون حلو من تحت دهبي ومن فوق كمان .

هل أعجبك الموضوع؟

تعليقات

4 تعليقات
إرسال تعليق

إرسال تعليق