خلية النحل بالفراخ فاطمه ابو حاتي

خلية نحل بالفراخ : من احلا المعجنات اللي بتعطي شكل جميل جدا وكمان بحشو الفراخ هتعطيها طعم مميز اوي مش بس كده لازم نتكلم علي العجينة السحرية اخطيرة جدا عجينة المايونيز عجينة هشة جدا وطريقة حلوة جدا بجد تستحق انكم تجربوها .
خلية النحل بالفراخ فاطمه ابو حاتي

المقادير :
5 كوب دقيق 
5 ملعقة كبيرة مايونيز 
كوب زبادي
ملعقة كبيرة سكر 
ملعقة كبيرة خميرة فورية 
رشة ملح
ماء دافيء للعجن 
الحشو :
نصف كيلو صدور فراخ مكعبات 
كوب فلفل الوان مكعبات 
بصلة مفرومة 
2 ملعقة كبيرة صلصة 
2 كوب جبنة مونزاريلا وشيدر 
ملعقة كبيرة بهارات فراخ
ملح
فلفل اسود
لدهن الوجة :
بيضة 
رشة سكر 
رشة قهوة سريعة الذوبان
2 ملعقة كبيرة لبن 

شاهد ايضا : طريقة عمل كفتة الجلاش للشيف فاطمه ابو حاتي

الطريقة :
1- في بولة انزل بالدقيق والملح والسكر والخميرة واقلبهم انزل بالمايونيز والزبادي واعجنهم مع بعض وابتدي اعجن بالمية وحدة وحدة لغاية متلم معايا عجينة طرية واعجنها لمده 10دقايق كل متعجنيها اكتر كل متعطيكي نتيجة حلوة جدا اغطيها واسبها تخمر في مكان دافيء.بعد متخمر اقسم العجينة كرات قد البرتقانة البلدي الصغيرة واغطيهم واسبهم 10دقايق يرتاحم .
2- في طاسة سخنة جدا فيها معلقة كبيرة زيت او سمنة او زبدة بس نحط مع الزبدة زيت يسخنم كويس اوي وانزل بقطع الفراخ واعطيها تشويحة كويسة لغاية متاخد لون السوا المهم تكون متصفية كويس من اي مية واقلب من وقت للتاني لان كتر التقليب فيها من غير متاخد لون السوا بتنزل ميتها وتبتدي تنشف .
3- بعد متشوحت وتمام انزلها  البصل ورشة فلفل والبهارات واقلبهم مع بعض لغاية مالفراخ تدخل في السوا انزل الملح والصلصة والفلفل الالوان واقلبهم مع بعض تقلبتين واشلها من علي النار واسبها تبرد وابتدي اضيف شوية من الجبن واقلبهم .
4- ابتدي افرد اول واحدة من العجينة واخد من الحشوة واقفلها وارص في الصنية واخلي التقفيلة من تحت اخلص الكمية كلها بنفس الطريقة وارصها بينها فراغ بسيط عشان اول متخمر هتبتدي يزيد حجمها ويلزقو في بعض وابتدي بعد متخمر اخلط السكر مع البيض والقهوة واللبن واربهم مع بعض وابتدي ادهن الوش براحة عشان مضيعش الخمر وارش سميم وحبة البركة وادخلهم فن سخن علي 200علي الشبكة لغاية متستوي وتاخد لون من تحت ومن فوق واخرجها اسبها تهدا واقدمها .

جديد قسم : فاطمه ابو حاتي

إرسال تعليق