-->

البانية والمكرونة بالخضار فاطمه ابو حاتي

البانية والمكرونة بالخضار : هنقدملكم البانية بتتبيلة سهلة وحلوة جدا وكافر ثابت مش هيقع ومش هتحتاجي تعملية ببييض وهيبقا مقرمش ولونة دهبي وهتقدمية جمب مكرونة بالخضار .
البانية والمكرونة بالخضار سفرتي

المقادير :
1 كيلو فراخ بانية 
2 علبة زبادي 
ملعقة كبيرة سويت تشيلي صوص 
ملعقة كبيرة زعتر 
ملعقة كبيرة بصل بودر 
ملعقة صغيرة ثوم بودر 
رشة حبهان بودر 
ملح
فلفل 
تغطية البانية :
نصف كوب بقسماط
نصف كوب دقيق 
نصف كوب نشا 
نصف كوب شوفان مطحون 
رشة بصل وثوم بودر 
رشة ملح
المكرونة بالخضار :
مكرونة اسباجتي 
بصل جوانح
مشروم جوانح
فلفل الوان جوانح
كوسة جوانح 
طماطم جوانح
كرنب جوانح
جزر جوانح
ملعقة كبيرة ثوم مفروم 
2ملعقة كبيرة صلصة 
ملح
كمون 
ملعقة كبيرة صويا صوص 

شاهد ايضا :  طريقة عمل الفراخ المسلوقة بتتبيلة تحفة من الشيف فاطمه ابو حاتي

الطريقة :
1- في بولة انزل الزبادي والصوص والبهارات كلها وملح وفلفل واقلبهم مع بعض وانزل بشرائح البانية واقلبهم مع التتبيلة واسبها في التلاجة متغطية لتاني يوم او اقل حاجة ساعتين .
2- بد متتبل انزل في طبق الدقيق والبقسماط والنشا والشوفان يكون مش ناعم اوي والبهارات والملح واقلب المكونات مع بعض اطلع من التتبيلة اغطيهم بالكافر وارصهم علي الطبق جمب بعض وادخلهم الفليزر ساعة وبعدها يتقلي في زيت غزير سخن علي نار متوسطة اول مياخد لون من تحت اقلبة وكده يكون جاهز .
3- للمكرونة في حلة انزل زيت يسخن اوي انزل البصلاول ميدبل انزل الثوم واقلب اشم ريحتة انزل الجزر واقلبه تقلبتين كده انزل بباقي الخضار كلة واشوح كل الخضار مع بعض لغاية ميدبلو انزل بالطماطم والصلصة والصويا صوص وملح وكمون واقلبهم واغطي5دقايق عشان الخضار يستوي بعدها انزل المكرونة واقلبهم مع بعض واقدمهم مع البانية .

جديد قسم : فاطمه ابو حاتي

إرسال تعليق