-->
كانيلوني الكوسة : لكل اللي بيحبو الكوسة واللي مش بيحبو الكوسة لو ولادك مش بيحبو ياكلو الكوسة اعملللهم الوصفة دي هيحبوها وهيكلوها ومش هيخلو فيها حاجة .
كانيلوني الكوسة

المقادير :
كوسة شرائح رفيعة
نصف كيلو لحمة مفرومة
بصلة كبيرة مقطعة صغير
مشروم شرائح
2 فص ثوم شرائح
ملح
فلفل
م ص بابريكا
رشة جوزة الطيب
م ك صلصة
البشاميل :
م ك سمنة
2 م ك دقيق
3 كوب لبن
مكعب مرق
ملح
فلفل
م ك جبنة كريمي
كوب ماء ساخن
رشة جوزة الطيب
للوجة : مونزاريلا

شاهد ايضا : طريقة عمل الكانيلوني للشيف فاطمه ابو حاتي

الطريقة :
1- في طاسة سخنة انزل اللحمة واول متغير لونها انزل البصل والمشروم والثوم وملح وفلفل وبابريكا وجوزة الطيب واشوحهم لغاية ماللحمة تستوي والخضار كمان واخيرا انزل الصلصة وتقلبتين واطفي .
2- للبشاميل انزل السمنة والدقيق اقلبهم اول مالدقيق يستوي انزل باللبن والماء ومكعب المرق ممكن شوربة وملح وفلفل وجوزة الطيب والجبنة الكريمي لازم تقلبي باستمرار عشان عشان قوام البشاميل يكون كريمي .
3- بمكنة السيبس او قطاعة البطاطس او المقورة وقطعي الكوسة شرائح رفيعة هاتي قالب ادهني زيت ونزلي شوية من البشاميل ورصي 4 او 5طبقات جمب بعض من الكوسة وعليها الحشوة ولفيها زي الكانيلوني ورصي ع الطاجن نزلي البشاميل ع كل واحدة من الكوسة او الكانيلوني وعلي الوش المونزاريلا وادخلها فرن سخن ع 200لغاية متستوي وتاخد لون .

جديد قسم : مروة الشافعي

إرسال تعليق