-->

طريقة عمل المشبك بالصور خطوة بخطوة

المشبك : احلا حلويات شرقية دمياطي باسهل مكونات طريقة مبسطة جدا لعمل المشبك في البيت حلو جدا ..
المشبك بالصور خطوة بخطوة

المقادير :
كوب دقيق 
كوب الا ملعقة كبيرة نشا 
ملعقة صغيرة خميرة 
رشة ملح
ملعقة صغيرة ماء الزهر 
كوب ونصف  ماء دافيء 
سيرب تقيل بارد
2 كوب سكر 
كوب وربع ماء
عصير نصف ليمونة او رشة ملح ليمون
نصف كوب عسل ابيض او جلوكوز 

شاهد ايضا : طريقة عمل المشبك الدمياطى للشيف حسن

الطريقة :
1- في اناء انزل السكر والماء والعسل والليمون وارفعهم علي النار لغاية ميغلو 10دقايق واطفي ولازم يبقا تقيل وبارد.



2- في بولة انزل الدقيق والنشا والملح والخميرة واقلبهم وانزل بالماء شوية بشوية مع التقليب بالمضرب او الخلاط لغاية ميبقا القوام ناعم وسائل واسيبة يخمر.





3- بعد مخمر اهبطة تاني بالتقليب لازم يرجع عجينة ناعمة تاني انزلة كيس حلواني ببلبلة رفيعة جدا او زجاجة والغطا بفتحة صغيرة .




4- وابتدي ع زيت سخن جدا وغزير اعمل اشكال المشبكة عشوائي اول ميطوف علي الوش الزيت يبقا جاهز للتقليب لازم اول مياخد لون مع التقليب من وقت للتاني لياخذ اللون الذهبي .




5- اقوم باخرجة علي العسل مع التقليب حتي يتشبع بالعسل واقوم برصة علي شبكة او مصفا وكل قرص علي التاني لغاية ميصفي العسل الزائد واقدمة بشكل رائع .



نتمني ان تنال الوصفه اعجابكم وكل وصفاتنا مجربة قبل ان نطرحها على حضراتكم يعنى اعملوها وانتوا مطمنيين جدا منها لانها هتنجح معاكم زى ما نجحت معانا بالظبط لو مشيتوا على نفس طريقتنا .

جديد قسم : مشبك