-->

فطاير بالكنافة ( الدوكة او المصبوبة) فاطمه ابو حاتي

الدوكة : طريقة عمل الدوكة او المصبوبة او فطاير الكنافة طريقة لطيفة وظريفة ممكن تعمليها للفطار او حلو يتسلي بية الولاد في البيت حاجة كده روعة جدا .

المقادير :
كوب دقيق 
2 كوب الا ربع مية
رشة سكر 
رشة ملح
الحشو :
كنافة محمرة 
زبدة وسكر 
مكسرات 
قرفة 

شاهد ايضا : طريقة عمل فطاير الشاى للشيف فاطمه ابو حاتي

الطريقة :
1- في بولة او الخلاط انزل الدقيق والملح والسكر واقلبهم انزل بالمية شوية بشوية لغاية مالخليط يبقا سائل ومختلط كويس اوي اسيبة يرتاح 10دقايق .
2- بعد كده اقلبة تاني وابتدي اسخن طاسة مبتلزقش ادهنها بسيط من الزيت وابتدي انزل من الخليط والف الطاسة علي نار متوسطة اول مياخد لون اقلبة وابتدي انزلة الكنافة المحمرة والسكر والقرفة والمكسرات واطوي واظغط واطوي تاني لغاية ميبقا زي الكريب اول ميتحمر من الجهتين مع التقليب اطلعة علي طبق واكمل الكمية الباقية بنفس الطريقة .

جديد قسم : فطاير بالكنافة

  1. ينفع نحشيها حشو مالح جبنة او شاورما مثلا ؟

    ردحذف
    الردود
    1. طبعا هيا اصلا عجينة كريب عادي جدا انك تعمليها اي حشوة

      حذف