-->

المسقعة باللحمة ( المسقعة باكيت ) مروة الشافعي

المسقعة باللحمة : هتنقدم المسقعة باللحمة او المسقعة باكيت شكل جديد للمسقعة ونفس طعم المسقعة العادية بالظبط لكن الشكل شجع الاطفال خاصتا للاكل الحاجات المفيدة سهلة وبسيطة جدا .
المسقعة باللحمة (المسقعة باكيت )

المقادير :
شرائح باذنجان رفيعة 
مونزاريلا 
شرائح طماطم 
شرائح فلفل رومي
بصلة مقطعة صغير 
فلفل اخضر رومي مقطع صغير 
نصف كيلو لحمة مفرومة 
4 فص ثوم شرائح
ملح
فلفل 
رشة جوزة الطيب 
2م ك معجون صلصة الطماطم 
2  م ك زيت 
للبشاميل :
2 م ك دقيق
م ك سمنة 
4 كوب لبن 
ملح
فلفل 
مكعب مرق
م ك جبنة كريمي
رشة جوزة الطيب 

شاهد ايضا : طريقة عمل المسقعة السريعة الخفيفة للشيف فاطمه ابو حاتي

الطريقة :
1- هاتي شرائح الباذنجان ادهنيها بالزيت واشويها ع الجريل ع النار الطريقة دي هتكون خفيفة واحلا والذ بكتير من القلي .
2- لعمل اللحمة في طاسة فيها زيت انزل بالبصل والفلفل اول ميدبلو انزل بالثوم واشوحة تطلع ريحتة وانزل باللحمة واشوحها لونها يغير انزل ملح وفلفل وجوزة الطيب واقلب لغاية متستوي بعدها ع طولانزل الصلصة تقلبتين واطفي .
3- للبشاميل انزل بالسمنة والدقيق واقلبهم اول ميستوي الدقيق انزل باللبن وملح وفلفل وجوزة الطيب ومكعب المرق والجبنة الكريمي مع التقليب لغاية ميغلي ويتقل التقليب في البشاميل باستمرار هيخلية كريمي وحلو جدا .
4- هاتي بقا قالب وعلي طبق اعملي وردة بالباذنجان وفي النص نزلي البشاميل واللحمة ومونزاريلا واقفلي الودة ع بعض ورصيها علي طاجن مدهون زيت خلصي الكمية وابتدئي في وضع ع الوش البشاميل وشرائح طماطم وفلفل ادخلها فرن سخن ع 20ال ميدبلم الخضار ع الوش انزلة مونزاريلا وادخلة ياخد لون واقدمة .

جديد قسم : مروة الشافعي

إرسال تعليق