-->

الكريب الحلو زي المطاعم واحلا كمان مروة الشافعي

الكريب الحلو : احلا طريقة هتعملي بيها الكريب الحلو في البيت احلا من المطاعم بكتير سهل وبسيط وبجد هيجنن كل اللي هيدوقو .
الكريب الحلو

المقادير :
2 بيضة 
م ص فانيليا 
3 م ك سكر بودرة 
2 م ك زبدة سايحة 
كوب دقيق 
رشة ملح
كوب لبن 
الحشو : 
شيكولاتة بالبندق 
كراميل (التوفي )
شرائح فراولة 
شرائح موز 
للتزيين : 
صوص شيكولاتة 

شاهد ايضا : طريقة عمل سندوتش البرجر من الشيف مروة الشافعي

الطريقة :
1- في بولة انزل البيض والفانيليا واقلبهم وانزل السكر واخلطهم وانزل الزبدة واللبن والدقيق ورشة ملح واقلبهم مع بعض كلهم لغاية ميبقو عجينة سائلة .
2- في طاسة فيها دهنة زيت بسيطة جدا وسخنة اوي انزل كبشة والفها في الطاسة واسبها تاخد لون من تحت واقلبها تاخد لون من الناحية التانية لازم تاخد لون دهبي حلو واكمل الكمية بنفس الطريقة.
3- ادهن الكريب بالشيكولاتة والفراولة واعملها مثلث وادهنواحدة بالكرميل وارص شرائح الموز والفها وازيت بصوص الشيكولاتة وبالهنا .

جديد قسم : مروة الشافعي

إرسال تعليق