-->

فطائر تركية بمناسبة المدارس فاطمه ابو حاتي

فطائر تركية : اعملي في البيت احلا واجمل فطائر تركية بمناسبة المدارس مسقية بالصوص هيخليها زي الاسفنج وطرية وروعة جدا اولادك هيتجننو عليها والمقادير والطريقة مفيش ابسط من كده .
فطائر تركية

المقادير :
6 كوب دقيق متعدد الاستعمالات ومنخول
كوب لبن 
كوب ماء 
نصف كوب زيت 
م ك خميرة 
م ك سكر 
م ك بيكينج بودر 
م ص ملح
الحشو :
اي نوع جبن 
الصوص :
كوب وربع لبن 
2 م ك جبنة كريمي او 4 قطع جبنة مثلثات او 3 مكعبات كيري
الدهن :
بيضة 
م ك خل 
رشة نسكافية 

شاهد ايضا : طريقة عمل فطائر البيتزا الهشة للشيف فاطمه ابو حاتي

الطريقة :
1- في بولة اضيف اللبن والماء والزيت والخميرة والسكر والملح واقلبهم كويس جدا واسبه تخمر وتعمل فقا قيع كده علي وش السائل .
2- في العجان اضيف الدقيق والبيكينج بودر وممكن تعجني ع ايدك قلبيهم مع بعض وابتدي ضيفي السائل وحدة وحدة مع العجن لغاية موصل لقوام عجينة طرية  جدا وهشة وبتلزق بسيط انزلها بولة مدهونة زيت ووشها ادهنة اغطيها واسبها تخمر في مكان دافيء.
3- بعد متختمر ابتدي اقطعها ع طبق علية رشة دقيق اعملها كور قد البيضة الصغيرة واجيب قالب بيريكس او صنية الومنيوم مدهونة زيت وابتدي افرد وحدة وحدة فردة بسيطة واحشي الحشوة اللي تفضليها وتقفليها وترصيها جوة القالب وتحولي تعملية زي شكل الباتية كده .
4- بعد مخلص كل القالب معايا عملت صنيتين وطبعا لازم ارصهم جمب بعض كل وحدة قصاد التانية اخلطي مكونات الصوص ونزليه ع الصواني لغاية نص الفطائر بس وسبيها تخمر في مكان دافي ربع ساعة بس .
5- هاتي البيضة والنسكافية والخل واخلطيهم وادهني الوش دخليها فرن سخن ع 200 ع الشبكة اول متستوي اولعلها الشواية ع الهادي وانزلها الارضية تاخد لون اول متاخد لون دهبي اطلعها واغطيها بفوطة مندية بس اسبها 10دقايق واشلها هلاقي فطائر هشة جدا .

جديد قسم : فطائر تركية فاطمه ابو حاتي

إرسال تعليق