طريقة عمل الكنافة الطرية للشيف حسن

الكنافة الطريه : طريقة لعمل الكنافة الطرية المحشية بالمكسرات او السادة الاتنين احلا من بعض طبعا مفيش بيت في رمضان بيخلا من وجود الكنافة هنعطيكم الطريقة المظبوطة وانتم عليكم التجربة وان شاء الله تعجب كل اللي هيجربها وهنعرفكم ازاي المكسرات تفضل ثابتة من جوة ومتقعش ابدا .
 الكنافة الطرية

المقادير :
نصف كيلو كنافة مجمدة
ملعقة كبيرة سكر بودرة 
نصف كوب سمنة سايحة
للحشو :
مكسرات 
ملعقة كبيرة عسل كنافة 
للشربات :
2كوب سكر
كوب ماء 
عصير نصف ليمونة 

شاهد ايضا : طريقة عمل الكنافة المصرية السادة 

الطريقة :
1- هنعمل الشربات عشان لازم شربات الكنافة يكون متوسط القوام وبارد هنزل في حلة علي النار السكر والمية واول ميغلو مع بعض هنزل عصير الليمون واسبهم يغلو 5دقايق واطفي واسيبة يبرد تماما وممكن بعد ميهدا ادخلة التلاجة يبرد ويسقع وممكن اعمل العسل بعسل الجاوكوز وهيبقا مقدارة كوباية مية ومعاهم معلقتين كبار عسل علي النار اول مالعسل يدوب خالص انزل السكر واسبهم يغلو 7دقايق مع بعض واسيبو يبرد تماما .
2- هنجيب الكنافة وهيا مجمدة اكسرها تكون ناعمة خالص وممكن انزلها في الكبة تتفرم لو مش مجمدة او لو مجمدة المهم تكون ناعمة خالص بس الافضل انها تكون بايتة مش طازة وانزلها السكر واقلبهم مع بعض كويس اوي وابتدي ادهن صنية مقاس 30بالسمنة كويس اوي من تحت ومن الجوانب وانزل 3/4 الكنافة واساويها تكون متساوية من كل الجوانب وانزل بصنية اصغر واضغط جامد اكبسها تماما والمكسرات اخلطها بالعسل واقلبهم مع بعض وانزلهم في الوسط بلاش اقربهم من الجوانب العسل هيخلي المكسرات في مكانها ومتتفتتش وانتي بتقلبي الكنافة او بتقطعيها .
3- وابتدي نزلي بقيت الكنافة والطبقة اللي فوق لازم تكون اخف من الطبقة اللي تحت يعني لو اللي تحت سم اللي فوق تكون سنتي وابتدي اساويها واضغط عليها بايدي علي الخفيف وتكون متساوية من الجوانب وانزل الحواف لجوة باصابعي وابتدي اوع السمنة علي الجوانب وعلي كل الصنية من فوق بس اهتم بالجوانب بمعلقة واوزع بيها عشان اوزع السمنة مظبوط علي كل الصنية وادخلها فرن سخن اول علي 180او درجة حرارة متوسطة لغاية متاخدلون من تحت ومن الجوانب وتاخد لون من فوق.
4-  لو مخدتش لون من فوق بعد مخدت لون من الجوانب ولعلها الشواية علي الهادي خالص لغاية متاخد لون حلو واطلعها سخنة واعطيها كوباية كبيرة من العسل اوزعة علي الوش كويس واسيبها تتشرب وابتدي اقلبها علي طبق وادوس عليها لو ظهر العسل تحت صوابعي يبقا خدت كفايتها من العسل لو نظهرش اعطيها شية كمان لغاية مضغط والعسل يبان والهنا .

جديد قسم : كنافة

إرسال تعليق