-->

وافل وبان كيك خطييير فاطمة أبو حاتي

وافل وبان كيك : عجينة سهلة وخفيفة اوي هتعمليها في اقل من دقيقة ومكوناتها مفيش ابسط من كده وكمان هتقدري تعملي بيها الاتنين في نفس الوقت وبنفس العجينة وبمبلغ بسيط واحلا وانضف من برة .
وافل وبان كيك خطييير فاطمة أبو حاتي

المقادير :
كوب ونصف لبن
كوب ونصف دقيق
3 ملعقة كبيرة نشا
بيضة
ملعقة كبيرة زبدة او زيت
ملعقة صغيرة فانليا
رشة ملح
2 ملعقة صغيرة بيكينج بودر ممسوحين
صوص الشيكولاتة :
كوب نسكويك
كوب سكر بودرة
كوب زبادي 120جرام
كوب زيت
للتقديم :
صوص كراميل 
فراولة 
قطع من الموز

شاهد ايضا : طريقة عمل كوكيز جوز الهند بطريقة الشيف فاطمه ابو حاتي

الطريقة :
1- في بولة انزل الدقيق والملح والنشا والبيكينج بودر واقلبهم وانزل الزيت او الزبدة واقلبهم وانزل باللبن والبيضة واخفق المكونات دي كلها مع بعض بالمضرب الكهربائي او الخلاط .
2- في مكنة الوافل بعد مسخنتها كويس اوي ادهنها زيت وانزل العجينة واقفل عليها 7دقايق وهتكون النتيجة روعة وارفعهم علي طبق لو مفيش مكنة في طاسة تبقال مدهونة زيت بسيط وانزل بالكبشة الصغيرة احجمام صغيرة او ماخد لون من تحت اقلبها واعمل الكمية اللي باقية بالشكل الي تفضلية .
3- بعد مخلصنا الكمية هنعمل الصوص في الخلاط او الكبة انزل النسكويك ووالسكر والزبادي واخلطهم وانزل بالزيت سرسوب رفيع لغاية ميختلط والقوام يتقل انزل جزء في علبة وع باقي خليط انزل معلقتين كبار لبن واخلطهم تاني لغاية مالخليط يبقا سائل وانزلة في بولة .
4- اجيب اتنين وافل وادهنها بالشيكولاتة التقيلة او شيكولاتة قابلة للدهن وفراولة واقفل عليها بالتانية وازين بصوص الشيكولاتة الخفيف وفراولة والتانية بنفس الطريقة لكن هحشي بصوص كراميل وموز وازين بصوص الكراميل والموز اما البان كيك ارص في الطبق واحدة وادهن شيكولاتة وارص وهكذا لعمل طبقات بان كيك وازين بصوص الشيكولاتة .

جديد قسم : وافل

إرسال تعليق