-->

الفينو والكيزر والتوست الطري فاطمه ابو حاتي

الفينو والكيزر والتوست : من احلا المعجنات اللي مش بيستغنا عنها اي بيت ومن برة التوست والفينو والكيزر بقم غالييم جدا احنا في البيت هنعمل من كيلو دقيق احلا مخبوزات تنفعنا في البيت وبطعم رائع جدا .
الفينو والكيز والتوست سفرتي

المقادير :
كيلو دقيق منخول
كوب لبن دافيء
علبة زبادي صغيرة
3ملعقة كبيرة سكر
3 ملعقة كبيرة زيت
ملعقة ونصف كبيرة خميرة
نصف ملعقة صغيرة بيكينج بودر
نصف ملعقة صغيرة محسن خبز او ملعقة كبيرة خل
رشة ملح
كوب ماء دافيء للعجن
ربع كوب ماء دافيء للاختبار
للدهن :
2 ملعقة كبيرة لبن بودرة
ملعقة صغيرة سكر
رشة نسكافية
3ملعقة كبيرة ماء

شاهد ايضا : طريقة عمل الفطاير المقلية بالفراخ والجبنة للشيف فاطمه ابو حاتي

الطريقة :
1- في ربع كوباية المية انزل فيها الخميرة والسكر واقلبهم واسبهم علي جمب يخمرو ويفور واتاكد ان الخميرة كويسة وجاهزة معايا للشغل ومش هتبوظلي المعجنات بتاعتي .
2- في بولة انزل علي الدقيق البيكينج بودر والمحسن والملح واقلبهم مع بعض انزل عليهم الزيت والزبادي واللبن والخميرة بعد مفارت واعجن المكونات دي كلها مع بعض ابتدي بقا انزل بالمية شوية بشوية لغاية متلم معايا عجينة طرية انزلها علي رشة دقيق واستمر في العجن مده 10دقايق اول متنعم خالص اغطيها في بولة واسبها في مكان دافي تخمر .
3- بعد مالعجينة تخمر اخد 1/3 كمية العجين واكورها واغطيها واسبها ترتاح 5دقايق وعلي صنية عليها رشة دقيق وابتدي اكور جزء من العجيم كورات واسبها 5دقايق يرتاحم .
4- باقي  العجين هكورة بنفس الحجم لكن هنزلة صنية الومنيوم دهونة زيت بسيط وارصة واضغطة ضغطة بسيطة ده هيكون الكيزر .
5- اخد التلت وافردة بسمك سنتي والفة رول وانزلة قالب انجليش كيك واسكنة في القالب بحيث يكون اخد الربع وباقي القالب فاضي واسيبة لغاية ميخمر ويملا القالب ده هيكون التوست .
6- بالنسبة للفينو الكور اللي سبتها ترتاح هبتدي افردها بسمك نص سنتي والفها رول واقفلها من الجوانب كويس اوي وارصهم علي صنية مدهونة زيت بسيط تكون الومنيوم واسيب العجين كلة يخمر واول ميخمرو اخلط مكونات الدهن مع بعض وادهن الوش بعد التخمير وارش سمسم علي الوش وادخل الفينو والكيزر علي الرف الوسطاني علي اعلا درجة اقرب الرف الوسطاني للارضية وادخلهم اول مياخد لون دهبي من تحت ومن فوق اخرجهم واهدي النار علي 180 علي الرف الوسطاني ادخل التوست واول مياخد لون دهبي اخرجة واغطية بفوطة مندية واسيبة يبرد خالص وابتدي اقطعة .

جديد قسم : فاطمه ابو حاتي

إرسال تعليق