-->

الفطاير المقلية بالفراخ والجبنة فاطمه ابو حاتي

فطاير مقلية بالفراخ والجبنة : احلا فطاير هتعمليها بحشوة بسيطة اوي من الفراخ والجبنة وتحمريها طعمها ولونها يجنن ويشد ويفتح النفس علي الاكل سهلة جدا .
الفطاير المقلية بالفراخ والجبنة فاطمه ابو حاتي

المقادير :
للفطاير :
5 كوب دقيق
2 كوب ونصف لبن دافي
ملعقة كبيرة سكر
ملعقة كبيرة خميرة
رشة ملح
نصف كوب زيت
للحشو :
نصف كيلو صدور فراخ مقطعة
بصلة كبيرة مقطعة
فلفل الوان مقطع صغير
ملعقة كبيرة صوص حار او كاتشب
ملح
فلفل
زعتر
رشة قرفة
جبن مشكلة او اي نوع متوفر

شاهد ايضا : طريقة عمل البرجر وعيش البرجر من الشيف فاطمه ابو حاتي

الطريقة :
1- في بولة انزل اللبن والسكر والخميرة واقلب المكونات مع بعض واسبها تخمر 10دقايق اول متفور وتعمل فقاقيع انزلها الزيت واقلب واخلط مع الدقيق الملح وانزل علي الخليط السائل واعجن لغاية مالعجينة تلم لو احتاجت دقيق احط لو احتاجت مية او لبن انزلها لغاية متظبط ولازم تكون عجينة طرية واعجنها مده متقلش عن 10دقايق وانزلها البولة واغطيها واسبها تخمر في مكان دافي .
2- في طاسة سخنة اوي فيها زيت يسخن اوي انزلها الفراخ اول مالفراخ تاخد لون من تحت اقلبها  وافضل اقلب من وقت للتاني ومقلبش كتير عشان متنزلش ميتها اول متاخد كلها لون السوا وافضل اقلب لغاية متدخل في السوا انزلها البصل واشوحهم مع بعض لغاية مالبصل يدبل مع الفراخ انزلهم كل البهارات والفلفل بس وانزلها الهوت صوص او الكاتشب واقلب وانزلها الفلفل الالوان واقلبهم مع بعض اول متستوي الفراخ اظبط الملح ومحولش ادبل الفلفل اوي واطفي واسبها تبرد وانزلها ميكس جبن او اي جبن متوفرة .
3- بعد مالعجينة اختمرت ابتدي اننا اكورها كور قد البيضة واغطيها اسبها 5دقايق ترتاح اخد من اول واحدة ورتها وافردها بسمك نص سنتي وابتدي احشي بالحشوة والم كل الاطراف واقفلها كورة وانزلها علي مكان القفل وارصها علي طبق وخلصي الكمية بنفس الطريقة واسبها تخمر تاني في مكان دافي وعلي زيت سخن اوي غزير ونار متوسطة وابتدي اقليها لغاية متاخد لون دهبي ممكن كمان ادخلها الفرن علي اعلا درجة حرارة علي الارضية ولو فرنك حامي اوي اقرب الشبكة من الارضية اول متاخد لون دهبي من تحت اولعلها الشواية واقدمها بالهنا .

جديد قسم : فطائر

إرسال تعليق