-->

كيكة الجيلي بالفواكة فاطمه ابو حاتي

كيكة الجيلي بالفواكة : احلا كيكة شكلها وطعمها حلو اوي هتعمليها في مناسبة هتشرفك هتعمليها كنوع حلو رهيبة جدا او في عيد ميلاد حلوة جدا .
كيكة الجيلي بالفواكة سفرتي

المقادير :
مقادير الكيك :
كوب ونصف دقيق 
كوب الا ربع سكر 
نصف كوب زيت 
نصف كوب لبن 
2 بيضة 
رشة ملح
نصف ملعقة صغيرة فانيليا سائلة 
ملعقة صغيرة بيكينج بودر 
لطبقة الجيلي :
2 كوب ماء 
2 باكو جيلي 
كوب ماء ساقع
للكريم شانتي :
كوب كريم شانتي خام
نصف كوب سكر بودرة 
كوب لبن او مية مثلجة 
الفاكهة :
موز 
فراولة 

شاهد ايضا : طريقة عمل تورتة كيكة الفادج للشيف فاطمه ابو حاتي
الطريقة :
1- في بولة انزل البيض والسكر والفانيليا واخلط المكونات كلها مع بعض لغاية مالقوام يعلا ويبقا لونة ابيض نزلي الزيت سرسوب رفيع مع الخفق واللبن واخفقي لغاية مالمكونات كلها تختلط نزلي علي الدقيق المنخول اكتر من مرة الملح والبيكينج بودر وقلبيهم وابدئي نزلي علي الخليط السائل واخلطي علي اقل سرعة في المضرب الكهربائي لغاية مالقوام يبقا مظبوط .
2- في قالب مقاس 26 مدهون بالسمنة ومرشوش بالدقيق ونزلي الكيك ودخلية فرن سخن علي علي 180 علي الرف الوسطاني مده نص ساعة لغاية متستوي تماما وتعرفي ازاي انها استوت لما تختبريها باستيكس وتلاقيها استوت خرجيها وسبيها تهدا خالص .
3- علي النار نزلي المية تغلي نزللها الجيلي قلبيهم اول ميمتزجو اطفي ونزلي عليهم المية السقعة وسبية يبرد خالص بعد مالكيكة بردت خالص هاتي الكريم شانتي بعد متخفق طبعا هتنزلي كل مكوناتة علي بعض وتخلطيهم لغاية مالمقدار يكون قده مرتين واعملي طبقة كويسة علي الكيك وهاتي الفاكهة المتوفرة عندك واعمليها شرائح ورصيها علي الكريم شانتي وبعد مالجيلي برد نزلية ودخليها التلاجة لغاية متتماسك تماما وخرجيها قطعي وقدمي المهم الطبقة من الكريم شانتي تكون كويسة عشان الجيلي الكيكة متشربوش .

جديد قسم : كيكة الجيلي بالفواكه

إرسال تعليق