القائمة الرئيسية

الصفحات

طاجن ورق عنب باللحمة فاطمه ابو حاتي

طاجن ورق عنب باللحمة : احلا طاجن تقدري تقدمية علي سفرتك هيعجبك جدا ويعجب كل اللي هياكلو منه ورق العنب مش ناشف ولا دايب وهقلك ازاي تختاري ورق العنب الصح للطاجن ده .
طاجن ورق عنب باللحمة سفرتي

المقادير :
ورق عنب
لحمة مكعبات
رشة حبهان
فلفل اسمر
ملح
رشة سكر
للخلطة :
2كوب ارز مغسول
2 كوب صلصة عادية
كوب خضرة مشكلة
نصف لربطة نعناع
كوب بصل مقطع صغير
ملح
فلفل
كمون
كزبرة
رشة قرفة
رشة سكر
رشة بهارات سبعة
زيت
شوربة مغلية
2 ملعقة كبيرة دبس رمان
سلطة الزبادي :
بادي
فصين ثوم مفرومين
عصير ليمونة
خيار مقشر مقطع صغير
نعناع فريش
زيت زيتون
ملح

شاهد ايضا : طريقة عمل طاجن الفراخ بالفريك فاطمه ابو حاتي

الطريقة :
1- اختاري ورق العنب اللي يكون ناعم خالص ولازم يكون صابح وشيلي العيدان وهاتي حلة غيرة علي قد حجم الورق ونزلي فيها بعد متغلي مح وكمون وشوية زيت ورصي رصة ورق ونزليهم قلتلك الحلة تبقا علي قدة عشان لو كبيرة هتلاقية اتبهدل منك وكل واحدة راحت في جهة اما لما تكون صغيرة علي قدة هيبقا زي مهوا اول متلاقية غير لونة طلعية وغطية وسبية يبرد خالص .
2- للخلطة في بولة نزلي البصل وحطي عليه كل البهارا وافركيهم لغية مريحة التوابل تطلع ونزليهم علي الرز مغسول ومنقوع نص ساعة ومتصفي من اي مية ونزلي الخضرة والنعناع والصلصة اللي سبكناها مع بعض لو مهيش عندك سبكي كوبيتين صلصة طماطم وظبطي الملح ونزليهم وحطي السكر وقلبي المكونات وظبطي الملح والفلفل ونزلي عليهم ربع كوبوب زيت  دي كلها مع بعض .
3- هاتي حلة نزلي فيها زيت يسخن اوي ونزلي اللحمة وحطي رشة فلفل وسكر حبهان وملح بسيط وقلبي لغاية متاخد لون وهدي النار وغطي وسبيها تستوي في عرقها لو حستيها محتاجة مية حطلها نص كوباية وسبيها تستوي فيها .
4- هاتي الورقة وعلي الوش الخشن وحطي الرز ولفي لفة وهاتي الجوانب طبقيها وكملي لف المهم الصوباع يكون مظبوط  لفي كل الصوابع علي طبق وخلصي كميتك وهاتي الحلة نزلي فيها عيدان الخضرة والبصل والطماطم والثوم وهاتي اللحمة رصيها في الارضية وعليها رصي ورق العنب ومتسبيش فراغات ونزلي عليها شوربة مغلية تغطي المحشي وهزي الحلة كويس عشان تتاكدي ان الشوربة اتغللت المحشي وعلي الوش نزلي دبس الرمان  ونزليه علي النار وغطيهم بطبق وغطية لغاية ميغلي ويتشرب غطي وهدي النار خالص وسبية يستوي .
5- لسلطة الزبادي  هاتي بولة صفي الاول اي مية من الزبادي ونزلي عليها الثوم والملح والخيار وعصير الليمون وقلبيهم مع بعض وزعيهم علي البولات وعلي الوش نزلي زيت الزيتون .
هل أعجبك الموضوع؟

تعليقات