-->

السمك المشوي بتتبيلة روعة فاطمه ابو حاتي

السمك المشوي : هتحضري السمك في البيت بكل تكات واسرار بره ومش هتشتري من بره تاني التتبيلة روعة والطريقة والمكونات سهلة جدا .
السمك المشوي سفرتي

المقادير :
سمك مفتوح من البطن ومتنضف 
جزر مبشور 
طماطم مكعبات 
كرفس قطع 
بصل جوانح صغيرة 
للتتبيلة :
راس ثوم 
فلفل اخضر 
فلفل احمر 
ملعقة كبيرة كزبرة ناشفة 
ملعقة كبيرة كمون 
2 ملعقة كبيرة ملح
ملعقة صغيرة شطة 
كوب صغير ليمون 
كوب صغير خل 
ردة ناعمة للتغطية 
2 كوب ماء كبار 

شاهد ايضا : طريقة عمل الفسيخ الجاهز 

الطريقة :
1- في الكبة او الخلاط انزل الفلفل الاخضر والاحمر والثوم والتوابل كلها وافرمهم انزل الخل والليمون واضرب لغاية ميبقو مخلوطين مع بعض .
2- علي الخضار انزل كمية من التتبيلة 3او 4ملاعق واقلبهم فيهم واخد منهم في طبق 4معالق كبار دول هحطهم علي السلطة اما اللي في الطبق هحشي السمك بس مش كتير يدوب حاجة بسيطة مملاش السمكة .
3- بعد محشيت السمك انزل علي الباقي المية واطعم بشوية من الخل والتوابل كلها واقلبهم طبعا انا حطيت توابل لاني زودت مية وابتدي اغطي السمك بالردة وعلي صاجة سخنة اوي وانزل السمك واهدي النار عشان يستوي واقلب السمك اول محس انة اخد لون من تحت اقلبة ياخد لون من الناحية التانية وممكن تشوية بالطريقة العادية وتنزلية وهوا سخن علي التتبيلة اللي عملناها .
4- طبعا كده اقدمة مع السلطة اللي حطينا عليها التتبيلاة بتعطيها طعم حلو اوي واقدمة معاه رز ابيض او صيادية .

جديد قسم : فاطمه ابو حاتي