القائمة الرئيسية

الصفحات

الفراخ المشوية محشية شعرية وكبد وقوانص في الفرن مروة الشافعي

الفراخ المشوية محشية بالشعرية والكبد والقوانص : يا مساء الجمال دي وصفة فراخ مشوية بطريقة جديدة وحشوة جديدة هنحشيها شعرية محمرة وكبد وقوانص مكعبات وهنشويها في الفرن روعة جدا .
الفراخ المشوية

المقادير :
فرخة كاملة
كبد وقوانص مقطعة
شعرية
2 فص ثوم مفروم
ماء بصلة كبيرة مبشورة
تفل البصل
ملعقة كبيرة بهارات فراخ
ملح
فلفل
عبوة زبادي صغيرة
ملعقة كبيرة خل
فنجان زيت
ملعقة كبيرة زيت
ملعقة كبيرة سمنة
بهارات سبعة
مكعب مرق
ماء مغلي

شاهد ايضا : طريقة عمل الفراخ المشوية للشيف فاطمه ابو حاتي

الطريقة :
1- في بولة انزل ماء البصل وملح وفلفل والبهارات الفراخ والزبادي وزالخل والزيت اقلبهم مع بعض واتبل الفراخة من جوة ومن برة ومن تحت الجلد واسبها في التلاجة لتاني يوم .
2- لعمل الحشوة في حلة انزلها معلقة زيت تسخن انزل تفل البصل اشوحها وانزلها الكبد والقوانص واشوحهم لغاية ميخدو لون ابتدي في طاسة احمر الشعرية في الزيت والسمنة لغاية متاخد لون دهبي انزلها ع الكبد واقلبهم مع بعض وانزلها مية مغلية يدوب تكون الشعرية باينة واسبها تتشرب المية خالص .
3- اخد منها بقا وابتدي احشي الفرخة واقفلها بدبارة اكل واجيب صنية عليها شيبكة شوي انزلها فرخة وعليها التتبيلة واغطيها وادخلها فرن سخن علي 200او اعلي درجة لمدة نص ساعة واهدي النار واسبها تستوي واخر نص ساعة لما تبتدي تستوي اشيل الغطا واسيبها تكمل سواها مكسشوفة وتاخد لون واقدمها مع باقي الشعرية .
هل أعجبك الموضوع؟

تعليقات