-->

طاجن الفريك بالكبدة والبصل المكرمل فاطمه ابو حاتي

طاجن الفريك بالكبد والبصل المكرمل : هتعملي احلا سرفيس كامل للعزومات بسيط جدا وسريع مش هياخد منك اي وقت .
طاجن الفريك بالكبدة والبصل المكرمل  سفرتي

المقادير :
نصف كيلو كبد فراخ او كندوز مقطعة 
نصف كيلو فريك 
نصف كيلو بصل مقطع جوانح
2جزرة مبشورتين 
بصلة مفرومة 
ملعقة كبيرة عسل 
ملعقة كبيرة سكر 
ملح
فلفل 
رشة قرفة 

شاهد ايضا : طريقة عمل طاجن اللحمه بالعجين للشيف فاطمه ابو حاتي

الطريقة :
1- في حللة هنزل سمنة وزيت واشوح البصلة المفرومةلغاية متدبل بس من غير متلون وانزل عليها الفريك نوعية كويسة متنقي وغسول ومنقوع نص ساعة ومتصفي شوحيهم لغاية مالفريك يسخن وانزل الجزر وانزل المية المغلية او شوربة يدوب المية تكون مبينة الفريك وملح وفلفل وقرفة ومرقة واسيبو يغلي ويتشرب واغطي واهدي لغاية ميستوي.
2- علي طاسة فيها سمنة انزل البصل واشوحة  لغاية ميبتدي ياخد لون انزلة السكر والعسل واقلب لغاية مياخد لون دهبي متكرمل اشيلة من النار .
3- علي طاسة فيها سمنة وزيت سخنم جامد وانزل الكبدة واشوحها ومقلبش كتير من وقت للتاني اقلبها واول متاخد لون السوا انزلها فلفل وملح وقرفة واشوحها من وقت للتاني لغاية متستوي انزلها البصل وربع كوب مية مغلية لغاية ميتشرب تاني وابتدي اقدم الفريك وعلي الوش الكبدة بالبصل وبالهنا .

جديد قسم : فاطمه ابو حاتي

إرسال تعليق