القائمة الرئيسية

الصفحات

تشكيلة معجنات اعياد الميلاد فاطمه ابو حاتي

تشكيلة معجنات لاعياد الميلاد : تقدري معانا تعملي احلا معجنات بتشكيلات كتيرة هتعمليها في عيد ملاد اولادك هتعجبهم جدا وطعمها هيكون وكمان شكلها هيكون مميز ليكي ولكل المتواجدين واحلا بكتير من اي توتات الحجات دي بتعجب الاطفال اوي .
معجنات اعياد الميلاد سفرتي

المقادير :
كيلو دقيق 
6 ملعقة كبيرة مايونيز 
6 ملعقة كبيرة لبن بودر 
3 علبة  زبادي 
ربع كوب ماء دافيء للاختبار 
ملعقة ونصف كبيرة سكر 
ملعقة ونصف كبيرة خميرة 
باكو بيكينج بودر 
رشة ملح
لدهن الوجة :
2 ملعقة كبيرة لبن بودرة 
ملعقة صغيرة سكر 
رشة نسكافية 
ربع كوب ماء 
للحشو :
سوسيس
بسطرمة 
فلفل الوان مكعبات صغيرة 
رومي مدخن 
جبنة رومي 
زتون اسود حلقات 
ميكس جبن 
زبدة 
لصلصة الميني بيتزا :
ملعقة كبيرة صلصة 
2ملعقة كبيرة كاتشب 
رشة ثوم بودر 
رشة بصل بودر 
ملعقة صغيرة زعتر 
ملح
فلفل اسود
لسلطة التونة :
جزرة مبشورة 
علبة تونة 
ملح
2ملعقة كبيرة مايونيز 
بصلة صغيرة مقطعة صغيرة 
فلفل الوان مكعبات صغيرة 
عصرة ليمون 
رشة ملح 
رشة فلفل 
سلطة الجبنة : 
جبنة اي نوع تحبية 
فلفل الوان مكعبات 
خلطة المناقيش :
2ملعقة كبيرة زبدة 
ملعقة كبيرة زعتر 
نصف لعقة صغيرة ثوم بودرة 
فص ثوم مفروم 
رشة ملح 

شاهد ايضا : طريقة عمل البكاكين او البكاكيم الفلاحي ( الكماج )  فاطمه ابو حاتي 

الطريقة :
1- في المية انزل السكر والخميرة واقلبهم واسبهم علي جمب لغاية متخمر وتفور كده بقت جاهزة للشغل .
2- في بولة انزل الدقيق والملح والبيكينج بودر واللبن البودر واقلبهم انزل الزبادي والمايونيز والخميرة اللي فارت واعجن المكونات دي كلها مع بعض هتلاقيها لمت عجينة طرية نزليها علي رشة دقيق واستمري في عجنها لغاية متلم وتكون ناعمة خالص لكن طرية جدا نزليها البولة وغطيها وسبيها في مكان دافيء تخمر .
3- بعد مختمرت اقسمها 5كورات كبيرة شوية وارصهم علي صنية واغطيها واسبها ترتاح وعما ترتاح ابتدي احضر الحشوات انا جمبت الاستيكس وغزرتها في السوسيس واخلط مكونات السلطة كلها واقلبهم وكل مكونات سلطة الجبنة اقلبهم مع بعض واخلط مكونات خلطة المناقيش دي كلها حشوات ممكن انتي تختاري اللي يريحك واللي تحبية مش شرط تعمليهم كلهم اعملي اللي تحبية ومفضل وكمان متواجد .
4- بعد مالعجين ارتاح اجيب صنية الومنيوم ادهونة زيت بسيط وابتدي اخد من اول كورة اعمل كورات صغيرة خالص قد البيضة وارسهم جمب بعض واسبهم يخمرو دول هيبقو الكيزر بس ده ميني كيزر .
5- اخد كورة وابتدي افردها علي رشة دقيق وافردها بسمك نص سنتي واقطعها شرائح بالطول بعرض سنتي وهاتي كل شريطة ولفيها علي السوسيس وعلي صنية مدهونة زيت ورصيهم وسبيهم يخمرو .
6- هاتي كورة وافرديها بسمك نص سنتي وقطعيها بالقطاعة دواير وهاتي خلطة المناقيش ونزلي في الص واقفلي من الجهتين والنص يكون مفتوح ورصي علي صنية الومنيم مدهونة زيت واسبها تخمر واللي طلع منها المة واسيبة يرتاح وبعدين افردة تاني بعد مترتاح بسمك نص سنتي اقطعها دواير وارصها في صنية بنفس الطريقة وابتدي اخط الصلصة والكاتشب وادهن الوش وانزل زتون اسود فلفل وطمطم وجبن وممكن لو متواجد قطع فراخ مسلوقة او كده بس حلوة جدا واسبها تخمر تاني .
7- هاتي كورة تانية افرديها مستطيل وابتدي قطعيها بالطول وبالعرض تكون مكعبات وبتدي خد كل مكعب وقطعي من الطروف قصات قصاد بعض في النص نزلي البسطرمة وجبن وقفلي كل شرئط علي التاني بالتبادل ورصي في صنية .
8- هاتي كورة قطعي منها كورات صغيرة سبيها ترتاح وافرديها رفيع اوي وادهنيزبدة سايحة واحشيها لفيها رول ولفيها زي الكرواسون وعلي صنية بنفس واسيبة يخمر.
9- بعد مكل المعجنات اختمرت ابتدي اخلط مكونات الدهن وادهن وش المعجنات كلها وارش علي الكيزر سمسم وادخلهم فرن سخن اوي علي 200 واقرب الشبكة من الارضية ويكون الفرن سخن اوي وي واسبهم لغاية مياخدو لون دهبي من تحت ومن فوق واطلعهم ابتدي افتح الكيزر واحشية بالرومي المدخن او سلطة التونة او سلطة الجبن او الرومي حسب زوقك والمتوفر واقدمهم عملتي اكبر واحلا تشكيلة من المعجنات .
هل أعجبك الموضوع؟

تعليقات

تعليق واحد
إرسال تعليق

إرسال تعليق