-->

الحواوشي البلدي والاسكندراني فاطمه ابو حاتي

الحواوشي البلدي والاسكندراني : هوا من الاكلات اللي الكل بيحبها جدا طعمة لذيذ هتعرفي معانا تكاتة اللي ممكن تنجح معاكي العجين والحشو .
الحواوشي البلدي والاسكندراني فاطمه ابو حاتي

المقادير :
خلطة الحواوشي :
كيلو لحمة مفرومة
ربع كيلو دوش او دهن
كيلو بصل مقطع صغير
طماطماية مفرومة
2 فلفل حار مفرومين
ملعقة كبيرة بهارات حواوشي
ملح
فلفل
رشة جوزة الطيب
رشة سكر 
للعجينة :
كيلو دقيق
ملعقة ونصف كبيرة سكر
ملعقة ونصف كبيرة خميرة
رشة ملح
علبة زبادي 200جرام
ربع كوب زيت
2 كوب ماء دافيء
ربع كوب ماء دافيء للاختبار
للوجة :
ميكس جبن 
فلفل شرائح
طماطم
زيتون اسود حلقات 
للدهن :
ملعقة كبيرة لبن بودرة 
رشة نسكافية 
رشة سكر 
5ملعقة كبيرة ماء 
حبة البركة وسمسم

شاهد ايضا : اللانشون البيتي من الشيف فاطمه ابو حاتي

الطريقة :
1- في ربع كوب المية انزل الخميرة والسكر واقلبهم مع بعض واسبهم يفورو .
2- علي الدقيق انزل ملح واقلبهم وانزل بالزبادي والخميرة والزيت واعجن المكونات مع بعض وبعدها ابتدي انزل بالمية مع العجن لغاية مالعجينة تلم وتكون طرية واستمر في العجن 10دقايق لغاية متنعم خالص اغطيها واسبها تخمر في البولة .
3- عندي اللحمة هنزل عليها اللية و البصل والملح والفلفل والسكر والبهارات والفلفل المفروم والطماطماية ورشة جوزة الطيب واعجن مش اقل من 5دقايق في اللحمة وكده بقت جاهزة .
4- بعد مالعجينة اختمرت علي طبق علية رشة دقيق واكور العجينة كرات قد بعضها وارش عليهم شوية دقيق واغطيها واسبها ترتاح 10دقايق كل مترتاح وانتي بتفرديها مترجعش تاني .
5- ابتدي افرد من اول واحدة كورتها افردها بسمك نص سنتي وابتدي انزل عليها باللحمة واسيب سنتي بين العجينة والحشوة وافرد واحدة تانية بنفس السمك ونفس الحجم وابتدي اقفل الحوافي كويس وابططها عشان يمسكم في بعض وف صنية الومنيوم مدهونة زيت وابتدي انزلها ممكن تعملية كبير وتقسمية او صغير كل ده حسب رحتك انتي  واخلطي كل مكونات الدهن وادهني الوش ونزلي علي الوش حبة البركة وسمسم .
5- اعملي نفس الخطوات مع باقي العجين لو عاوزاها وش بيتزا اعملي نفس الطوات وعلي الوش نزلي جبن وفلفل وطماطم وزيتون.
6- لحواوشي البلدي نزلي الحشوة جوة العيش البلدي ورصية علي صنية مدهونة زيت وكمان ادهني الوش بالزيت ودخلي المخوزات علي فرن سخن اوي علي الارضية لغاية مياخدو لون دهبي من الارضية اولع الشواية علي الهادي واخليهم ياخدو لون دهبي من فوق واقدمهم بالهنا .

جديد قسم : فاطمه ابو حاتي

إرسال تعليق