-->

كفتة الارز وطاجن الكفتة بالبطاطس فاطمه ابو حاتي

كفتة الارز وطاجن الكفتة بالبطاطس : اتنين احلا من بعضهم بجد الاتنين خرافة جدا هتعرفي ازاي تعملي الكفتة وتعملي منها احلا طاجن هيميزك بجد .
كفتة الارز وطاجن الكفتة بالبطاطس سفرتي

المقادير :
كفتة الارز :
كيلو لحمة مفرومة وشين 
5 كوب ارز مطحون ومنخول
3 ربطة من الكزبرة والبقدونس والشب
2 بصلة متوسطة
راس ثوم متوسطة
ملعقة كبيرة ملح
ملعقة كبيرة كزبرة ناشفة
ملعقة صغيرة كمون
ملعقة صغيرة بيكينج بودر
ملعقة صغيرة بصل بودر
ملعقة صغيرة ثوم بودر
ملعقة صغيرة بهارات
نصف ملعقة صغيرة سكر
للطاجن :
كوب عصير طماطم
بطاطس مكعبات
ملعقة كبيرة صلصة
بصلة متوسطة
ملعقة كبيرة ثوم مفروم
ملح
فلفل
رشة سكر
رشة بهارات سبعة
لية
شوربة مغلية

شاهد ايضا : طريقة عمل كفتة اللحمة بالبطاطس للشيف فاطمه ابو حاتي

الطريقة :
1- لعمل الكفتة في الكبة انزل البصل والثوم والخضرة مغسولة مقطعة صغيرة ومتشال منها العيدان والافضل تكون متصفية من اي مية وانزل الملح والكمون والكزبرة والثوم والبصل والبهارات وافرمهم كويس جدا وانزل اللحمة والرز المطحون غسلتة ونقعتة نص ساعة وصفيتو من اي مية فردتة علي فوطة نضيفة وسبيتة ليلة يتهوا وطحنتة ونخلتة .
2- افرمي كل المكونات مع بعض مكمكن تحطيهم في المفرمة وممكن في الكبة بس متكبسيش الكبة نزلي جزء من اللحمة والارز ونزلي شوية منهم في طبق وعلي الباقي نزلي اللحمة المتبقية والرز وافرميهم ونزليهم علي الكمية الاولي واقلبيهم مع بعض وابدئي شكلي صوابع الكفتة ممكن تفرزيها في اطباق وبين كل كمية كيس نايلون وابتدي حمري بقا .
3- هنعمل الطاجن في حلة علي النار نزلي نزلي اللية المبشورة لو متوفرة مش متوفرة يبقا سمنة وزيت يسخنم اوي نزلي الثوم اول مياخد لون دهبي فاتح نزلي البصل وشوحيهم لغاية ماللبصل ياخد لون نزلي الطماطم والصلصة والملح والفلفل والسكر والبهارات وسبيها يغلو غلوة نزلي الكفتة والبطاطس وعليهم الشوربة تغطيهم يدوب يبقو بيبنين وظبطي ملحهم وغطيهم غلوتين واطفي .
4- نزلي المكونات في قالب بيريكس او اي قالب غطية دخلية فرن سخن علي 200ع الارضية ربع ساعة وطلعية علي الشبكة وهدي النار خالص ساعة الاربع وشيلي الورق وسبية تحت الشواية ياخد لون خفيبف وبالهنا .

جديد قسم : كفتة الارز وطاجن الكفتة بالبطاطس