-->
السينابون : بنشترية دايما من المحلات بمبلغ كبير لكن في البيت هتكووني عاملة كمية كبيرة بنفس سعر واحدة من برة ونفس الطعم والنتيجة خطيرة
السينابون سفرتي

المقادير :
العجينة :
نص كوب لبن دافيء
ربع كوب سكر
ملعقة كبيرة ممسوحة خميرة فورية
تلت كوب زبدة سايحة
بيضة
فانيليا
رشة ملح
2 كوب دقيق
الحشو :
زبدة طرية
كوب سكر ابيض
2 ملعقة كبيرة قرفة
2 ملعقة كبيرة كاكاو محلي
كريمة خفق حلويات
الصوص :
8 قطع جبنة كيري
ربع كوب زبدة طرية
كوب سكر منخول
فنجان لبن
نصف ملعقة صغيرة ملح
فانيليا

شاهد ايضا : طريقة عمل السينابون للشيف فاطمه ابو حاتي

الطريقة :
1-في بولة انزل اللبن والسكر واقلبهم انزل بالخميرة واقلب واسبها متغطية تخمر وتفور بعد متفور انزل البيضة والفانيليا والزبدة واقلبهم وانزل الدقيق والملح واقلبهم مع بعض واعجن العجينة لغاية متبقا ناعمة جدا رايح جاي ع الرخامة واغطيها واسبها تخمر .
2- بعد متخمر ابتدي افردها مستطيل اوزع علي الوش الزبدة واخلط السكر والقرفة والكاكاو واوزعهم علي الزبدة وابتدي الف رول وبالخليط واقطع واوفق القطع جمب بعض في قالب مدهون زيت بسيط واسبها تخمر وبعدها ادخلها فرن سخن ع 200في نص التسوية اخرجها انزل ع كل واحدة معلقتين كبار كريمة خفق .
3- وادخلها الفرن تاني تكمل تسويتها اكون عملت الصوص اهرس الجبنة وانزلها السكر والزبدة اخلط وابتدي انزل شوية بشوية بالللبن معاه رشة فانيليا اول ميكون قوامة كريمي انزل بالملح واقلبهم يخرج السينابون اسيبة يهدا دقيقة وابتدي اطلع وانزل علية الصوص واقدمة .

جديد قسم : مروة الشافعي

إرسال تعليق