-->

الكباب النافش (كباب كوابري ) فاطمه ابو حاتي

الكباب الكوابري : او الكباب النافش هيا اكلة بتشتهر بيها مدينة ابو كبير في الشرقية بتتعمل في الاعياد والمواسم ويارب نقدر نعملها زيهم بس ان شاء الله النتيجة هتعجبكم جدا .
الكباب النافش (كباب كوابري ) سفرتي

المقادير :
نصف كيلو لحمة مفرومة وشين حمرا
2 كوب ارز
ربطة بقدونس
ربطة شبت
بصلة كبيرة
4 فص ثوم
ملعقة كبيرة فلفل احمر مفروم
ملح
فلفل
ملعقة صغيرة كمون
ملعقة صغيرة كزبرة ناشفة
نصف ملعقة صغيرة كربوناتو
نصف ملعقة صغيرة بهارات سبعة
رشة سكر
للتسوية :
2 كوب عصير طماطم
لتر شوربة
بصلة كبيرة مقطعة صغير
شرائح بطاطس
رشة ملح وفلفل

شاهد ايضا : طريقة عمل الكباب ( اللحمة المشوية ) للشيف فاطمه ابو حاتي

الطريقة :
1- في البداية هنزل في الكبة البصل والثوم والخضار واللحمة وانزل ملح وفلفل والكمون والكزبرة والفلفل الفروم والبهارات والبيكربونات والسكر واخلط كل المكونات دي كلها كويس اوي لازم تتفرم مده كويسة .
2- نزلي الخلطة المفرومة في بولة ونزللها الرز مغسول ومنقوع 10دقايق ومتصفي خالص من المية ناشف جدا وانزلة واعجنة حلو اوي اوي مع اللحمة وفي طبق صغير فية زيت وابتدي اشكل وارص علي طبق لغاية مخلص كل الكمية .
3- هسوي ازاي في حلة فيها زيت وسمنة سخنين انزل البصلة واشوحها اول متاخد لون دهبي انزل الصلصة وانزلها ملح وفلفل واسبها تتسبك انزل الشوربة واقلبهم وانزل شرائح البطاطس في ارضية الحلة واول ميغلي الخليط انزل الكفتة واغطي لمده 3دقايق اسبها تغلي واهدي النار خالص زي تسوية الرز واسبها لغاية مالكفتة تستوي كويس اوي واقدمها .

جديد قسم : كباب كوابري

إرسال تعليق